Matthew 7
ព្រះយេស៊ូបង្រៀនថាកុំថ្កោលទោសអ្នកដទៃ
1កុំថ្កោលទោសគេក្រែងលោអ្នករាល់គ្នាទទួលការថ្កោលទោសវិញ 2ដ្បិតអ្នករាល់គ្នាថ្កោលទោសគេយ៉ាងណាអ្នករាល់គ្នានឹងទទួលការថ្កោលទោសយ៉ាងនោះវិញហើយអ្នករាល់គ្នានឹងទទួលតាមរង្វាល់ដែលអ្នករាល់គ្នាបានវាល់ឲ្យគេ។ 3ហេតុអ្វីក៏អ្នកមើលឃើញកម្ទេចល្អិតនៅក្នុងភ្នែកបងប្អូនរបស់អ្នកប៉ុន្ដែមិនឃើញសសរនៅក្នុងភ្នែករបស់ខ្លួនយ៉ាងដូច្នេះ? 4បើអ្នកមានសសរនៅក្នុងភ្នែករបស់ខ្លួនតើអ្នកនឹងនិយាយបានយ៉ាងដូចម្ដេចទៅកាន់បងប្អូនរបស់អ្នកថាទុកឲ្យខ្ញុំយកកម្ទេចល្អិតចេញពីភ្នែករបស់អ្នក? 5ឱមនុស្សមានពុតអើយ! ចូរយកសសរចេញពីក្នុងភ្នែករបស់អ្នកជាមុនសិននោះអ្នកនឹងមើលឃើញច្បាស់ដើម្បីយកកម្ទេចល្អិតចេញពីក្នុងភ្នែកបងប្អូនរបស់អ្នកបាន។ 6កុំឲ្យរបស់បរិសុទ្ធទៅឆ្កែហើយកុំបោះគជ់ ▼▼វត្ថុជាដុំដូចជាពក មានសាច់រឹងដូចកែវ កើតមានក្នុងសរីរកាយ ឬក្នុងក្បាលនៃសត្វទាំងឡាយ: គជ់ខ្យង គជ់គ្រំ គជ់ដំរី គជ់ក្រៀល។
ឲ្យជ្រូកក្រែងលោពួកវាជាន់កម្ទេចហើយបែរមកខាំហែកអ្នករាល់គ្នាវិញ។ ព្រះយេស៊ូបង្រៀនឲ្យព្យាយាមអធិស្ឋាន
7ចូរសុំនោះអ្នករាល់គ្នានឹងបានទទួលចូររកនោះអ្នករាល់គ្នានឹងរកឃើញចូរគោះនោះនឹងបើកឲ្យអ្នករាល់គ្នា 8ដ្បិតអ្នកណាសុំនោះបានទទួលអ្នកណារកនោះបានឃើញហើយអ្នកណាគោះនោះគេនឹងបើកឲ្យ។ 9ក្នុងចំណោមអ្នករាល់គ្នាតើនរណាឲ្យដុំថ្មដល់កូនពេលកូនសុំនំប៉័ង 10ឬឲ្យពស់វែកដល់កូនពេលកូនសុំត្រីដែរឬទេ? 11ដូច្នេះបើអ្នករាល់គ្នាជាមនុស្សអាក្រក់ចេះឲ្យអំណោយល្អៗដល់កូននោះតើព្រះវរបិតាដែលគង់នៅស្ថានសួគ៌នឹងប្រទានអំណោយល្អៗលើសនេះដល់អ្នកដែលសុំពីព្រះអង្គយ៉ាងណាទៅទៀត។ 12អ្នករាល់គ្នាចង់ឲ្យមនុស្សប្រព្រឹត្ដគ្រប់ការទាំងអស់ចំពោះខ្លួនយ៉ាងណាចូរប្រព្រឹត្ដចំពោះគេយ៉ាងនោះដែរដ្បិតនេះជាសេចក្ដីសង្ខេបនៃគម្ពីរវិន័យនិងជាពាក្យរបស់អ្នកនាំព្រះបន្ទូល។ផ្លូវទៅនគរព្រះជាម្ចាស់ជាផ្លូវចង្អៀត
13ចូរចូលតាមទ្វារចង្អៀតដ្បិតទ្វារធំនិងផ្លូវទូលាយនាំទៅរកសេចក្ដីវិនាសហើយមនុស្សជាច្រើនកំពុងចូលតាមទ្វារនោះ 14ឯទ្វារចង្អៀតនិងផ្លូវតូចនាំទៅរកជីវិតហើយមានមនុស្សតិចណាស់រកឃើញ។ព្រះយេស៊ូបង្រៀនអំពីគ្រូក្លែងក្លាយ
15ចូរប្រយ័ត្ននឹងពួកអ្នកនាំព្រះបន្ទូលក្លែងក្លាយដែលពាក់ស្បែកចៀមមករកអ្នករាល់គ្នាតែខាងក្នុងវិញជាឆ្កែចចកកាចសាហាវ 16រួចអ្នករាល់គ្នានឹងស្គាល់ពួកគេដោយសារផលផ្លែរបស់ពួកគេតើមាននរណាប្រមូលផលទំពាំងបាយជូរពីគុម្ពបន្លាឬផ្លែល្វាពីដើមកន្ដ្រើយដែរឬទេ? 17ដូច្នេះដើមឈើណាល្អឲ្យផ្លែល្អហើយដើមឈើណាមិនល្អក៏ឲ្យផ្លែមិនល្អដែរ 18ដ្បិតដើមឈើល្អមិនអាចឲ្យផ្លែមិនល្អទេហើយដើមឈើមិនល្អក៏មិនអាចឲ្យផ្លែល្អដែរ 19ដើមឈើណាមិនឲ្យផ្លែល្អគេនឹងកាប់បោះចូលទៅក្នុងភ្លើង 20ដូច្នេះអ្នករាល់គ្នានឹងស្គាល់គេដោយសារផលផ្លែរបស់គេ 21មិនមែនអ្នកទាំងឡាយណាដែលនិយាយមកកាន់ខ្ញុំថាព្រះអម្ចាស់ព្រះអម្ចាស់! នឹងបានចូលទៅក្នុងនគរស្ថានសួគ៌នោះទេប៉ុន្ដែអ្នកដែលចូលបានគឺអ្នកដែលធ្វើតាមបំណងរបស់ព្រះវរបិតាខ្ញុំដែលគង់នៅស្ថានសួគ៌វិញ។ 22នៅថ្ងៃនោះមនុស្សជាច្រើននឹងនិយាយមកខ្ញុំថាព្រះអម្ចាស់ព្រះអម្ចាស់! តើយើងខ្ញុំមិនបានថ្លែងព្រះបន្ទូលបណ្ដេញអារក្សនិងធ្វើកិច្ចការដ៏មានអំណាចជាច្រើននៅក្នុងព្រះនាមរបស់ព្រះអង្គទេឬ? 23ពេលនោះខ្ញុំនឹងប្រកាសប្រាប់គេវិញថាខ្ញុំមិនដែលស្គាល់អ្នករាល់គ្នាទេចូរចេញទៅពួកល្មើសច្បាប់!ព្រះយេស៊ូបង្រៀនអំពីគ្រឹះពីរយ៉ាង
24ដូច្នេះអស់អ្នកដែលឮពាក្យរបស់ខ្ញុំទាំងនេះហើយប្រព្រឹត្តតាមអ្នកនោះប្រៀបដូចជាមនុស្សវៃឆ្លាតដែលសង់ផ្ទះរបស់ខ្លួននៅលើថ្មដា 25ពេលភ្លៀងធ្លាក់មកទឹកជន់ឡើងហើយខ្យល់បក់ខ្លាំងក៏ផ្ទះនោះមិនរលំដែរដ្បិតវាបានចាក់គ្រឹះនៅលើថ្មដា។ 26អស់អ្នកដែលឮពាក្យរបស់ខ្ញុំទាំងនេះហើយមិនប្រព្រឹត្តតាមអ្នកនោះប្រៀបដូចជាមនុស្សល្ងង់ដែលសង់ផ្ទះរបស់ខ្លួននៅលើដីខ្សាច់ 27ពេលភ្លៀងធ្លាក់មកទឹកជន់ឡើងហើយខ្យល់បក់ខ្លាំងផ្ទះនោះក៏ដួលរលំខ្ទេចខ្ទីអស់»។ 28កាលព្រះយេស៊ូមានបន្ទូលអំពីសេចក្ដីទាំងនេះចប់សព្វគ្រប់ហើយបណ្ដាជននឹកអស្ចារ្យក្នុងចិត្ដចំពោះសេចក្ដីបង្រៀនរបស់ព្រះអង្គ 29ដ្បិតពេលព្រះអង្គបង្រៀនពួកគេដូចជាអ្នកមានសិទ្ធិអំណាចមិនដូចជាពួកគ្រូវិន័យរបស់ពួកគេឡើយ។
Copyright information for
KhmKCB